Login

Breadcrumbs



nächster Termin

-----------------

 26.12.2018

Plakettenausgabe

Hotel Murten





Heute1
Woche49
Monat355
Insgesamt131970


Bänkk - 2011

 

---2011---

Schiff: Gestik mit Gable und Löffu
Ine use ine use
Ine use ine use
Ine use ine use
Ging z'gliche ässe würd mi gruse

Oh nice, the same procedure as last year
No James, the same procedure as every year

2.In Anlehnig a Amerkig 6 Kapitu zwöi
Abschnitt 3 isch jetze nöi
U wenn ou Du das nid versteisch
Das isch z'bekannte Bünderfleisch

Hesch aus nur abgschribe, du chline Zwärg
Bisch Hansruedi von Zu Guätäbärg

Hecht
4.Dr Fredy von Chänu hei mir ir Zitig gseh
Fredi oder Dani oh jeminee
Wiäd us Fribourger inegheisch
Wenn üs Murtner nid versteisch

Bim Murtebieter isch's ä Gruus
Chunnt ohni Toni niemer druus

6.Dr Hakan Yakin steit zum Interview parat
I chume sofort das isch ä guete Rat
Muesch nid pressiere wouverstange
Är het jetz ersch grad d'Frag verstange

Wenn dr Hakan d'Frage nid versteiht
Isch d`Antwort: was sölli sage, jo, wie gseit

8.Was louft mit üsne Politiker gnau
Verkehrsschiuder nur no Glächschtsneutrau
Eliminieret gschider di richtigä Gfahre
U lehret d'Frouä Outofahre

Packsch z'Problem vo hinger a
Chasch diä Schiuder nid la stah

Meh aus Potentiau
15.D`Schmier vo Biel die het verseit
Dr Peter K. het aui gleit
D'Fluchtwäge si nid blockiert
Mitem Bärtschi wär das nid passiert

Bir Ungersuechig – wär da nid lacht
D'Schmier heig aues richtig gmacht

18.Wenn dr Gägner foulet, isch das nid brav
Denn pfifft dr Schiri Penauty – das isch ä Straf
In Malta han ig jetz aber gleert
Für d'Schwizer isch das umgekehrt

Zieht dr Hitzfäud - dr Alex a de Ohre
Hei mir wägem Frei verlore!

21.Terror Hie und Terror da
Das fat scho bi de Sprache a
I säge nech öpis es isch kei Kack
Uf arabisch heisst Chuestau… Muuu Barack

Und was heisst – äs isch gly verbii
Das isch ganz eifach – Gaddaffi

22.Ä verwirrte GC Fän redet ume Brei
chunnt cho Mätch luege – i mini Wohnig hei
I bi wiä GC ganz allei
U ha in Züri kes dehei

Spiut Rot-Grüen Schach ir Zürcher Stadt
Setze si - GC Schachmatt

23.über dr Berlusconi ghörsch nume schlächts
är heig äs Gschleick mau linggs mau rächts
Was söu da schlimm si – isch mir nid klar
dä het eifach chli Fastnacht – z ganze Jahr

Kräht das Huhn und macht es Gschrei
Dänkt Berlusconi zwüsche de Bei

24. Janka, Gysin und Lara Gut
Fahre ar WM gar nid guet
Nidmau gstartet gstartet isch dr Zurbrigge – das isch no schlimmer
Dä chäschperlet no chlei im Hotelzimmer

Verglichsch dr Zurbrigge uf dr Pischte und im Hotel – denn isch's ä so
Im Hotel ischer schneuer cho

26. Sit dr Kachelmann nüm tuet z'Wätter mache
Müesse d'Schiifahrer chlineri Brötli bache
Es isch viu z'WARM u het kei Schnee
Macht z'Wätter jetz dr Epiney?

Dr Aeschbacher seit zum Epiney
Du wärsch doch no ä Wätterfee

27. Sit gly 25 Jahr - das isch doch gspunnä
Het dr BSC YB kei Titu me gwunnä
Bim letschtä Titu und Meischter Ordä
Si d'Spieler vo hüt no gstiuet worde

Hesch Illusione denn ischs klar
Villäch klappts ja dieses Jahr

Schluss
10.Dr Alex Frei het einisch meh verseit
Drum het är dr Schwizer Nati gseit
"tschüss zäme"…

Potentiau
13.D'Leuthard brucht meh Gäud für ihre Verchehr (…welä äch?)
Ob im Zug oder Outo – das schmärzt üs sehr
Nächscht Jahr wird ou d'Fastnacht türer – mä seits
Wiu ou mir tüe pändlä – vo Beiz zu Beiz

Potentiau
25. I ha gspickt u abgschriebe haargenau
Dr Lehrer verwütscht mi – i bi nid schlau
Weisch i bi nur ä chliine Zwärg
U mis Vorbiud heisst zu Guettebärg

Evt Zettel
17.Fürnes neus Jugendhuus diskutiert mä u diskutiert mä u diskutiert mä u jetz isches da
Doch mir dörfe dert nid ihne ga
Bis Politik schautet – dass isch gemein
Si mir scho fasch im Autersheim

Intro Pfiffä:

Mir si z'erscht u letscht mau amne Match gsi vor Schwizer Nati

Wär stouperet über sini eignä Bei?
Alex Frei – Alex Frei - sini Bei

Wär steit im Gou u isch es bitzli chli?
Wöufli – Wöufli - bitzli z'chli

Wär wott nachem Mätch die blutte Spiler gseh?
Epiney – Epiney - blutti gseh

Wär macht scho vor dr Pouse riese Stress?
Gilbert Gress – Gilbert Gress - riese Stress

U wär het im Blick ging sone dumme Latz?
Türkilmaz – Türkilmaz - dumme Latz

Kontroue vorem Stadion müessi si
Seit Bärtschi – seit Bärtschi - müessi si

Wär spiut viu Löcher und packt jede Futz?
Tiger Woots – Tiger Woots - jede Futz

Im Stadion wott ig z'Bier nach mire Wahl
Cardinal – Cardinal – nach mire Wahl

Wär isch ir VIP Loge uf Kurs
Höchner Urs – Höchner Urs - isch uf Kurs

Berntor
Wär sitzt im Stadion ging ohni Schuh
Dr Dädu – dr Dädu - ohni Schuh

Beiz Lüdi
Wär luegt derä näbedran ging ufs Füdi
Dr Lüdi – Dr Lüdi - ufs Füdi

HM
Wär sitzt im Backstage mitem Sänger Bligg
Dominic - Dominic – mitem Bligg

Beiz mit Montani/Schiff?
U wär macht z'Catering jetze de gly
Montani – Montani -jetz de gly

Potentiau
Wär verdient viu Gäut und isch ä riise Diva
Mike Shiva – riise Diva

Potentiau
Ar luegt so drii aus näm är LSD
DeWeck Roger – LSD

??
Wär steit uf chlini Ching us Marokko
Silvio – Marokko

Guete Schluss - Pointe no Finde!!!

Mir müesse jetzä abä leider gaa
Si nüme da – müesse ga

Mir wünsche jetz Euch hüt no ä heissi Nacht
Schöni Fastnacht – heissi Nacht


you`ll never walk alone / © 2012 ruebeloch.ch / design by mastertnt.ch