Login

Breadcrumbs



nächster Termin

-----------------

 26.12.2018

Plakettenausgabe

Hotel Murten





Heute1
Woche49
Monat355
Insgesamt131970


Bänkk - 2014

 

---2014---

A propos Bancomat

Uf dr Abrächnig vor Kreditcharte trifft mi fasch dr Schlag
E Siech vou Usgabe am gliiche Tag
Dr Fähler liegt bir Bank – gsehni ir Tagesschou
U i ha scho gmeint äs sig mi Frou


A propos Organisations Talent

Ar Fuessbau WM in Qatar
Isches z‘ heiss - s’isch aune klar
D WM z verschiebe isch unbequem
Für d’FGM wär das kes Problem


A propos Outobahn

D’Frouä söuä uf di linggi Spur
Steit ir nöischte Fahrschueu Literatur
Plötzlech fahresi rächts - ganz ohni Müeh
Wiusi rächts u linggs verwächsle tüe


A propos Politik in Murte

Es outofreis Stedtli u mir gö nur no z Fuess
säge d'Gägner vo dr Firma Buess
Die Bispiu zeige was passiert
Weme d'Lüt nid richtig integriert


A propos d Wäut neu erfinde

Du versteisch d Wäut nüm, wenn`d Murtner bisch
Wede luegsch wie d'Ärdä entstande isch
Ir Bible sprach Gott – es werde Licht
Doch in Murten klappt das nicht


A propos i-pod

720 backflip Alley Oop
Air to Fakie Frontside Loop
Tönt doch besser, han ig mir gseit
Anstatt bsoffe d’Stäge abegheit


A propos Abstimmige

Im Februar chunt d’Frou einisch meh nid druus
Si isch verruckt gheit mi sogar us em Huus
Ir Wuet seit si, dass si d’Scheidig wett
Ha doch nur vom FABI grett


A propos moderni Manne

Mit so Gschwür chasch nid choche merkemer gly
Wo mir 2 Manne si im Chochkurs gsi
Lehre choche liebi Manne
Tuet me ufde aute Pfanne


A propos Mission impossible

E Schuehlade steit hüt ufem Shopping Menü
Mini Frou chouft zwöi Paar – i choufe drüü
Das zeigt doch jedem Maa hie inne
das mä ou di schwärschtä Spiu cha gwinne


A propos beschti Armee vor Wäut

E Flugzügentfüehrig über Gänf ir Nacht
Het üsi Armee uf d’Paume bracht
Dr Ueli Murer wott zum Agriff schritte
Aber sie flüge nur zu Bürozitte


A propos Bürozitte

E neue Stadtschriber isch jetze da
Wo 50% z Murte schaffe cha
Aus Delegierte für jedes Apéro
Was macht de jetz dr Höchner no?


A propos Fastnachts Zischti

Am Zischti isch d'Fastnacht scho verbii
Doch z nächschte Highlight chunnt scho glii
Mir freue üs Juhee Juhee
Uf d'Playoffs ohni SCB


A propos Auptroum

In Solothurn parkieri u es git e Buess
D Beamtin zickt, dass Straf si muess
I tröime das doch keineswägs
Das isch doch üsi Zöpflihäx


A propos Abstimmigsresultat

Ds neue Polizei Gebäude z Fribourg wird günschtig si
Bim plane si si spahrsam gsi
Si hei nur no di schmale Türe gno
Wiu dr Bärtschi nüm muess ihne cho


you`ll never walk alone / © 2012 ruebeloch.ch / design by mastertnt.ch