Login

Breadcrumbs



nächster Termin

-----------------

 26.12.2018

Plakettenausgabe

Hotel Murten





Heute1
Woche49
Monat355
Insgesamt131970


Bänkk - 2000

 

---2000---

"D'Rüebe läbä nach dr Ziitmaschine "

 

Pöschtli, Bänkli oder Beckerei
Houptsach du leisch dir säuber kes Ei
A sonä Lohn dä giz doch niänä
Wiä us Poscht -Röiber tuäsch verdiänä

Doch liäbi Diäbä das isch mi Tip
Nid jedä Bruch isch ä grossä Hit
Vor Croissanterie, tüä mir abratä
Luurät dä Urs Höchner stockgebratä

Steuät Euch vor, dir heit au Frei
U d'Lehrär si am schaffä ganz allei
Jetz tüä si d'Fastnachts-Feriä angersch planä
So müässä si nüm Id Schuu, mitärä Fahnä

D'Madam Tüssot geit z'Murtä i und us
Steut im Muratum dä Fritz Stouffer us
Mir hei gseit, das isch ä super Idee
Süsch hät mer ar Eröffnig numä Lehrer gseh

Formu 1 wir immer schlimmer
Gradi Streckä gibt's bald nimmer
Schigganä hiä, Schigganä da
Was das auäs choschtä ma

Tüät doch bestehendi Ressourcä nutzä
Anstatt diä Gradä au wägzputzä
Ou für dä Formu 1 Zirkus
Wär z'Schigganä Stedtli z'Murtä n'äs Mus

Mir chömä nüm drus was z'Murtä louft
Het der Loeb ä neuä Lade chouft?
I gloub der Loeb tuät heimläch investiärä
We mir im Schoufänster gseh d'FGM gaschtiärä

Am Samschti si mir it's Stedtli gangä
Hei wöuä ga Poschtä u nid numä umä hangä
Da isch im Rathus ä grossi Touffi gsi
Doch diä Glön hei CD nid derbi

Mi Frou het geschter zu mir gseit
Äs louft wiä gschmiärt, bisch immer grad bereit
Sie schwärmt mis liäbä, liäbä Sandy
Sit I ha mis eigenä Handy

Doch immer hüfiger seit sie: jetz geits mir z'wit
Wes so witer geit, de hei mer Stritt
Verleidet isch mir z'schribä Liäbäsbriäfä
Bi denä überrisäänänä Poscht Tarifä

Es het sech zeigt, für einisch meh
Olympischi Spiu bruchä nid numä Schnee
Anstatt d'Bärgä mit Schilift z'versouä
Tuät in Sion äs Fiat Wärk ufbouä

D'Umwäutschützer gseh grossi Gfahrä
Z'Italiä chasch drum am Wuchänänd nüm fahrä
Mir hoffä nur, dass si dra tänkt hei
Dass d'Olympia Wuchänänd si nid Outofrei

Dä Clinton hätti eigentläch rächt
Wenn er seit Rouchä sig schlächt
Dä cha scho lache mit sinä Bibä
Tuät mit da Zigarrä ou numä angers tribä

Doch jetzä hei diä Bibä gmeint
Murtä Wescht u Oscht isch bau vereint
Im Kaffichränzli ghörä mir scho d'Frouä
Was tüä diä voräm Bärntor bouä

Gotteron sieht nur noch schwarz
An den Kufen klebt das Harz
Entäuschung auf der Zuschauer Rampe
Immer brennt die rote Lampe

Übersetzung in Dialekt
Gotteron gseht numä no der Ueli
Si schlöflä au wiä Friburger Chueli
Wo numä brönnä söfu roti Lampä
Ir Friburger Autstadt bida Strasse...

SVP
Am Ogi sini Stars, si mau diä Beschtä gsi
Doch hüt sis Schnäggä uf dä Schi
Ä so dä Bärg ab, fahre numä diä Blödä
Drum Bruno Kerna, tuä doch afa Snöbä

FDP
D'Expo brucht dringend äs paar Millionä
I gib sä gärn, wiu i fing äs würd säch lohnä
Dä Steinegger danket im Vorus, das isch de nätt
Üsäs Problem , mir gäbtsä gärn we mir sä hät

CVP
CVP verlürt immer me Stimmä
Undänkbar ä so no Wahlä z'gwinnä
D'Mittu müässt Dir ganz angersch investiärä
Rat git dr Kohl, der Ober-Chef vom Schmiärä

SP
D'Wiiber Partei isch imnä tiäfä Loch
Äs waglät der Stuu vor linggä Ursula Koch
Isch das so schlimm tuä n'ig mi fragä hiä
Gschids usä gla het diä sowiso no niä

Z'Murtä gsesch ä nöi Beiz, fasch jedä Morgä
Am Ebner, macht das grossi Sorgä
Dow Jones u SMI tüä nüm guät loufä
Tuät d'Aktie gschider, bim Montani choufä

Mis outo het ä Radio
Weisch wiä bin ig dafür froh
Nid ganz tougläch, Millenium Gfahrä,
jetz hani wieder afa Velofahrä

Meine Mannschaft hat Mühe mit schiessen Toren
Darum die letzten Spiele verloren
Für di ganzi Schwiz ä Fussball Qual
Dem Gilbert, isch das Wurschtegal

Im Murtner Stedtli (päräpärärä)
Im Murtner Stedtli (pärä..)
Wennd z'Auto nimsch,
de glaubsch du spinsch
Bim parkiärä bisch im Clinch
Äs grossäs Buässä Cabarettli,
im Murtner Stedtlihere

Im Murtner Stedtli (päräpärärä)
Im Murtner Stedtli (päräpärärä)
Expo 01 - ä Gäud verschleiss
Murtä Machts Mögläch -wini weiss
Das Umzugs Sujet luägä wetti -
im Murtner Stedtli

 


you`ll never walk alone / © 2012 ruebeloch.ch / design by mastertnt.ch