Login

Breadcrumbs



nächster Termin

-----------------

 26.12.2018

Plakettenausgabe

Hotel Murten





Heute1
Woche49
Monat355
Insgesamt131970


Bänkk - 2002

 

---2002---

"D'Rüebe bim Fischä "

 

D's Buächli vor Fastnacht het es nöis Chleid
Es isch ganz modärn was dinne steit
Aber Helena mir müesse scho chli lache
Was würdet dir adä Fastnacht ohni d'Manne mache?

Wo würd das härä füere steuet euch vor
Anstatt Guggemusig spiut ä Frouächor
Und am Mäntig abä ig gloub ig spinn
Verbrönnä mer d'Füdlibürgerin

Wenn d'Frouä ar Macht si u tüä regiärä
Luäg bir Expo was tuät passiärä

Wimä rächnät hei mir glehrt sehr schnell
Mir si haut id Schuu bim Helmut Jell
Dä Vorteil tüä mir realisierä
Mir chöi haut mit Zahlä guät jongliärä

Ä Milliardä Stürgaud und no meh
Diä Swissair Cholä wirsch niämeh gseh
We mir das richtig rächnä wett
Ghört jedäm da innä ä Jumbojet

Dä Villiger brucht au üsi Mittu
Zaus gschider in Euro de sparsch ä Drittu

Dä Schüäler Fritzli isch ä Bridä
Är het ir Schuu a d'Tafälä gschribä
1 u 3 das git doch 7
Wägä däm isch är immer hockä blibä

Dä Blocher fingt da nüt derby
Wiu das doch sini Wähler si
Si Rat a Fritz u dänk de dra
Chumm Buäb und luäg dis Ländli a

Dr Staat macht jetz Konkurs in Ratä
Wenn d'Expo tuät sis Gäud verbratä

Wiä tuäsch am beschtä Millionä verwautä
Gib se ja nid dirä Autä
Bim usgäh muäsch no meh ufpassä
Dass d'Lüt di nid grad au tüä hassä

Ä Tipp wo mir Euch hiä chöi gä
Dir söttet das euch ds Härzä nä
Berchömät nid dä Grössäwahn
U verjublät grad aus uf dä Reperbahn
We dis Portemonnai lär isch unä Million usgisch
Zeigts üs, dass du vor Expo bisch

Dähei tuä ig ä Briäf ufmachä
Und schnäu vergeit o mir mis lachä
är chunnt vom Murtner Frouäheud
aber i ha doch gar kes Outo bschteut

Hässig hani am Probst telefonniert
I heig nid im Fastnachtsbüächli inseriert
Är seit doch u louft nid mau rot a
Nichts ist unmöglich Toyota

Dr Brünu isch id Lehr bir Swissair I tuä nid lügä
Dä Bewis si sini Rissschüsslä, diä chöi ou nid flügä

Dä Krüger Ralph het d'Lehrä zogä
Ä risä Skandäl dä isch ufgflogä
Intern tuät är jetz ufrumä
Dass d'Nati d'spiu nüm tuät versumä

D' Olympiadä isch verbi äs isch aus gloffä
D'Spiler si gsi zum Teil chlei psoffä
Bevor si ufäm Is dörfä umä rasä
Müässä si bim Bärtschi zersch ga blasä

Dä roschtig Chlumpä isch üs ä Dorn im Oug
Für üs Surfer het das zur Foug
Ir Floutä chöi mir nur no bädä
Drum Surfä mir abä vom Umzugs Wagä

Ir Expo Kassä hei si dä Salat
Einä vo üs hockt im Verwautigsrat
We d'Expo Konkurs geit, ja de haut
Üsi Fastnacht zumindest, diä isch zaut

Wägäm Ruttli wöi mir nöi Wahlä
I cha d' Chrankäkassä nüme zahlä
I gloub jetz würd sichs afa lohnä
Z'ganz Jahr id's Spitau ga z'wohnä

Aber dä Bundesrat hei mir begriffä
Dass är nebäm Kafi ou chlei wott kiffä
Diä 7 hei üs us höchschti Macht
Scho lang ä benäblätä Idruck gmacht

Einä tuät üs ä Gschicht verzeuä
Dir müässt euch das emau vorsteuä
Äs stöh zwö Männä das isch de wahr
zämä voräm Troualtar

Der eint seit mir muässä no überlegä
Wimä d'Rouäteilig bi üs wöi reglä
Dä wo sitzt im Kaffichränzli
Spiut dahei dä ohni Schwänzli

Wenn i dähei voräm Fernseh sitzä
De chumi mängisch ä chlei its Schwitzä
Bim Tennis mach i ä Laola
Wenn I luägä d'Anna Kurnikova

U üsi Girls diä sie dä Hammer
Wäg dä Männer geng das ewigä gjammer
d'Martina und Patty üsi autä Teenie
würdä gschider afa im Fellini

 


you`ll never walk alone / © 2012 ruebeloch.ch / design by mastertnt.ch