Login

Breadcrumbs



nächster Termin

-----------------

 26.12.2018

Plakettenausgabe

Hotel Murten





Heute1
Woche49
Monat355
Insgesamt131970


Bänkk - 2003

 

---2003---

"D'Rüebe bim Fischä "

 

1/3 mau 9/10, isch 0,3
Teilsch das durch 30`000, hesch äs Mü
Das si kei Rächner, hüt hiä innä
Du muesch das auäs, eifacher bringe

One and one ou thats, thats two
It`s not a joke, no it`s true
Dir gloubet sicher, dases üs schlifft
Aber mir wöi dases ou, dr Busch begrifft

We niemer me cha dänkä z`Amerika
De het dä Busch zviu Ifluss gha

D`FGM isch wieder, uf d`Schii
Z`Prinzepaar isch, mit derbi
Dä Prinz wott nid fährä, wine Pfiffe
Tuet vorh är schnäu no, d`Kantä schliff

Am Lift fluecht är, I cha nid Schiinä
I chume nid, id Bindig inä
Är het gmeint, äs sigä Carving Schi
Däbi sis die vor Tochter gsi

D`Schi si z`chli das isch ä Schand
Drum gsesch dä Prinz am Pischtärand

We dä Sohn vo Disetronic, tuät härate
Dir schmökät sicher, scho lang dä bratä
Äs Fürwärch ar Hochzit, das isch doch klar
So firät mä, im Vieux Manoir

Äs grossäs Fescht, häts söue wärde
Ä chlapf hets gä, u bäbt het d`Ärdä
D`Ruhestörig, diä isch perfekt
Äs het sogar dr Pfarrer gweckt

Hats im Vieux Manoir ein fest
Hauts den Pfarrer aus dem Nescht

I bi verletzt, es geit mer schlächt
Muäss ungers Mässer, das isch nid grächt
Dä Wäg is Spitau, birgt grossi Gfahrä
Wieso muess ig is Oberland fahrä

Chum acho muäss ig mi heftig wehrä
Dià wöi mir dört, ä Frömdsprach lehrä
I verstah kes Wort, es stinkt mer pfui
Warum muäss I, uf Tafers wui?

Wis d`Ruth Lüthi wott, so darfs nid loufä
Süsch muäsch när no ä Duden choufä

Am 9i im Büro, was isch da dra
Ä so fat ä Tag, vomnä Beamtä a
Vom Härz gheit ihm bau, ä grossi Stei
Am 4i chan är, wieder hei

Über d`beamtä isch einä, ging ga fluächä
Jet zisch är sonä, Job ga sueche
D`Freizit het fröid, o z`Portemannaie
Fragät doch, dä Pasci Friolet

Ghörsch dä Pasci bidä Beamtä fluächä
Tuät är gad sini Zitigä suächä

D`Rächnigä wärdä, langsam zur Plag
Z`Läbä wird türer, vo Tag zu Tag
Was me o macht, das tuät doch we
Dra gloubä muäss immer, z`Portemonnaie

Mir hei es Hobby, das choschtät nüt
U glich chunsch ging, chli unger d`Lüt
Mir verratä näch z`Gheimnis, Dir heit jetz Schwein
Mir si Mitglied, im Murtner Gwärbverein

Am Kassier si letschti Schrei
Ir Kassä fählä 50`000 Schtei

Schluss isch mittäm, ewigä plärä
Das gö mir am Schroöder, ga erkläre
Diä Gschicht mitäm Flügä, s`isch nid zum lache
Diä wöi üs numä, schissig machä

D`Schwizer wöi, über Dütschland flügä
Was tüä de diä, aus zämälügä
Sägät üs wo das, gschribä schteit
Dass me freiwiuig zudä, Schwobe geit

Handeln die Deutschen ohne zu fragen
Hat Leuenberger nichts zu sagen

Morn gseht Dir was, i üs aus steckt
Mir stärtä denn, äs nöis Projekt
Wär nid cha läse, dä isch doch froh
Dä cha zu üs, id Schuälig cho

We einä gärn, no mitmache wet
Dä Kurs isch leider, fasch komplet
Aber 2, 3, chönntä schono cho
Näbäm Vorstang, vo Friburg Gottero

Stöh zviu Spiler ader Bandä
Isch z`Reglemänt no nid verstandä

Im Usgang gsi, 2, 3, Bierli trunkä
Is Outo gstigä u nach Aukohou gstunkä
Bi nid mau bis zum Kreisu cho
Het mi d`Schmier scho usägno

Bim blase 0,0, das cha nid si
Da blast dr Tschugger säuber dri
Stouz isch dr Bärtschi u het mer gseit
2,0, dä Chaschtä geit

Sufsch so viu, dass d`nüm chasch schtah
De söttisch gschider z`Fuess hei ga

Leise leise, rieselt der Schnee
Idä Bärgstationä, wöisi meh
Dä ganz Tag schneiä, het Petrus beschlossä
Jetz si diä Bärgler, au igschlossä

Mir wärdä am Petrus, sofort verzeihä
Wes im Oberland, mau so würd schneiä
Mir wärä doch aui, schampar froh
Für einisch würd ke Sensler, uf Murte cho

D`Chinese si ganz flotti Lüt
Aber ou bi denä verstahni nüt

 


you`ll never walk alone / © 2012 ruebeloch.ch / design by mastertnt.ch