Login

Breadcrumbs



nächster Termin

-----------------

 26.12.2018

Plakettenausgabe

Hotel Murten





Heute1
Woche49
Monat355
Insgesamt131970


Bänkk - 2004

 

---2004---

"D'Rüebe bim Casting vo Music Star "

 

Mir singä hiä innä – u jedä staunt
Schnitzubänk – im Nutellasound
Äs Zeichä setzä – wei mir dänk
Mit üsäm Dräck – idä Schnitzu Bänk

Mir si di Jungä usäm Weschtä vo Bärn
Im Fernseh luägt mä – üs ging gärn
Wär mir si – das isch doch klar
Nid Music – aber Rüäbä Star

Tuät Carmen Fenk im Programm loufä
Muäsch ä breitere Fernseh choufä

Geisch ids Stedtli - was isch da los
Alles geschlossen – tote Hos
Mir machä dä Lädä - jetzä Muät
Mit üsäm Agebot – wo's klinglä tuät

Äs gäbt äs Bispiu – der loufts wi gschmiärt
Aber mir hiä z'Murtä - si nur frustriärt
Nützät d'Schoufänschter – i bi kes Lamm
So wi d'Gwärblerinnä – z'Amsterdamm

Gö d'Männer idä Loubä i und uus
Isch Hochbetrieb im Hühnerhuus

200'000 – das isch ä Hohn
d'Räntä vor Metzler – ir Früepension
Ä sonä Lohn mir muässä fuchä
Das Gäud chönnt mir – viu besser bruchä

Mit däm Gäud – chönntsch öpper züglä
Fertig wärs – in Fribourg z'büglä
I gloub äs würd hiä - niämär stöhrä
Äs Jahr lang nüt - vor Lüthi z'ghörä

Lost niämer me dä Lüthi zuä
Hei aui gnuä vo derä Chuäh

Diä EU Minister – si gschidi Lüt
Aber vom parkiärä – verstöh si nüt
Wägä denä, dir müässt mau – guät studiärä
Chasch numä no – ä Stung parkiärä

Mir kämpfä, üsi Idee – isch sensationell
Ä Parkschibä für d'Frouä – ganz speziell
Diä tuät ä Haubstung – derzuä addiärä
Dassäs ou für d'Frou längt – izparkiärä

Parkiärt ä Frou ganz richtig guät
De het si huufä Männer Bluät

Nachäm Schiff uswassärä – eis ga näh
Dä Dädu tuät no – 2,3 gäh
Z'Bärntor isch baud - nümme froh
Dä Heiniger hets mitäm Schiff mitgno

Ds Schiff steit voräm Pub – das isch de so
Da isch de Chrattinger – umä Eggä cho
Nimmt ds Buässä Buächli – fürä vergäbä
Ir Schiffahrt het är – eh nüt z'sägä

Parkiärsch im Stedtli fräch dis Boot
Gseht dr Toni nur no Root

85 Rappä – das choschtät sit hüür
Ä Markä bir Poscht – das isch fang tüür
U am Zischti, Dir dörft de – nid verpfuusä
Chunnt wieder ä nöi - Markä uusää

Schlöt au zuä - bi däm super Schnääpli
Pro Markä verdiänä – mir 5 Räppli
D'Poscht muäss zahlä – das isch all right
Wiu mir hey uf Ruäbli – z'Copyright

We d'Rüäbä über sörigi Rüäbli singä
Dörfemer d'Pointe hiä nid bringä

I ha nüt z'tüä – u sägä jetz längts
Bi schliässläch zwüschä – 19 u 25
Äs eigäts Huus – das wünsch ich mir
U zahlä tüät das – sowiso dir

Für Grande Ferme wird z'Gäud - usäm Fänschter gschossä
Am Umzug gseht Dir – wosisch härä gflossä
Mir spilä das numä – dir heits verstandä
Mir ghörä ou nid – zu derä Lumpäbandä

Dr' Bärtschi wot a d'Fasnacht ga - Fastnacht ga
di Auti lat ne nid la ga
lälälälälä lälälälälä
di Auti la ne nid la ga
lälälä lälälälä

Dr Mändu muäs deheime blibe
wüu d'Rüäba ne i Wahnsinn tribä
lälälälälä lälälälälä
Wiu d'Rüebe nä i Wahnsinn triibä
lälälä lälälälä

Wo di Auti isch ga pfusä
schlicht är sich zur Wohnig usä
lälälälälä lälälälälä
schlicht är sich zur Wohnig usä
lälälä lälälälä

Am Abä wos isch sächsi gsi
isch dr Mändu vou derbi
lälälälälä lälälälälä
isch dr Mändu vou derbi
lälälä lälälälä

Am Stammtisch tuät ar diskutierä
dr Vully tuät nä inspiriärä
lälälälälä lälälälälä
dr Vully tuet nä inspiriärä
lälälä lälälälä

Plötzlich het er afa fluächä
isch uf Gass ga d'Rüäbä suächä
lälälälälä lälälälälä
isch uf Gass ga d'Rüäbä suächä
lälälä lälälälä

Vo wiitem gseet ars orange blinkä
öper tuät im sogar winkä
lälälälälä lälälälälä
öpper tuät im sogar winkä
lälälä lälälälä

D'Sauber chömä - nid vom Fläck
Bi denä fäut - äs bits meh Dräck
Jetz isch's für aui - sicher klarer
Tschuld si di lahmä - Outofahrer

D'Schwobä si - idr Formu eis
Us Land erfougrich - wiä süsch keis
Wi chöi diä grossä Schnurrä - wo mir hassä
Überhoupt i so chlini - Outo passä?

Dr FC vo Murtä – mir tüä nä Lobe
Het jetz ä nöi - Garderobä
Äs geit Bärguf - mit Sieg um Sieg
Scho bau spilämer idr - Champions League

Ds Transfergschäft tuät - ganz guät loufä
Mir chöi dr chlini - Yakin choufä
Äs louft aus rund – aber jetz dr Bescht
Dä Tubu schitteret – am IQ Test

 


you`ll never walk alone / © 2012 ruebeloch.ch / design by mastertnt.ch