Login

Breadcrumbs



nächster Termin

-----------------

 26.12.2018

Plakettenausgabe

Hotel Murten





Heute1
Woche49
Monat355
Insgesamt131970


Bänkk - 2016



---2016---

A propos Fussball Europameisterschaft

Bi Schwiz-Albanie isches so

D Spieler wärde es Puff becho

Du Petkovich mir wüsse nümme

Singe mir Albaner oder Schwizer Hymne?

 

Was söu dr Trainer für Spieler bringe?

Kenä cha diä Hymne singe

----------------------------------------------------------------

A propos Computerkenntnis

Diä Software  Lizänzveribaarige si wines Gspräch mit ere Frou

Kompliziert viu z Läng u aspruchsvou

Bi beidne versteisch du niemaus gnue

Aber am Schluss stimmsch eifach immer zue

 

U stimmsch bi beidnä mau nid zuä

Isches fertig mit dr Rueh

----------------------------------------------------------------

A propos Planet 9

D Expärtä hei nach x Millionä Stungä

E neue Planet im Wäutau gfungä

Mä kennt das Objekt ersch - ir Theorie

Villäch chönnt das üses Parkhuus sii

 

Züntisch im Wäutau z Liecht a - stuuhnsch no meh

Chasch d Iifahrt vo üsem Parkhuus gseh

 ---------------------------------------------------------------

A propos negativi Überraschig

Dr Alarm pfifft - jetz wird’s delikat

We mini dr Chüuschrank z lang offe laht

Finanziell hättis mitemne Lächle gno

Aber i ha ufem Sofa chauti Füess becho

 

BR: jetz hani ändläch das Rätsu gschnaut

Wieso hei d Frouä immer z'chaut

----------------------------------------------------------------

A propos sehr grossi Gfahr

bim Heifahre uf dr Outobahn hani es déjà vu

Si mäude Achtung Wiudsöu  uf DRS 3

I ha angscht cha z Outo nümme länkä

Wiu i muess a Bärtschi dänkä

 

Wemä üs nach 10 Jahr ging no schocke cha

Het einä Spuhre hingerla

----------------------------------------------------------------

A propos Rose schänke

We mir dr Bachelor im Fernseh gseh

Jedi woner hei schickt tuet üs weh

Wiu mir d Frouä nid enttüsche wei

Näme mir Rüebe immer aui hei

 

Wesi am Tag druf d Wäut scho nüm versteit

Isch wieder eini ihne gheit

----------------------------------------------------------------

a propos Bsitzverhäutnis im Stedtli

linggs ghört am Fuchs u rächts am Montani

Aber am Montani ghört z Manor gly

Du  Montani dänk de eifach dra

Dass dr Fuchs ou biisse cha

 

Schliecht dr Montani  a - u d Laag bliebt brav

Macht dr Fuchs dr Winterschlaf

----------------------------------------------------------------

Lied

I bi is Stedtli gange - ha wöuä is Manor ga

Was isch da los dä Lade isch zue - jetz stahni ganz blöd da

I bruuche nöi Chleider wiu mir di aute stinke

Doch jetz chasch i däm Lade inne nur no öppis trinke

 

C'est le petit Gilbert, Gilbert Montani

Il achète tout le magasin et fait des Restaurants

C'est le petit Gilbert, Gilbert Montani

Är spiut mit üsem Stedtli - Monopoly

 

Wosch z Murte fein ga ässe - isch d Uswau riese gross

Pizza, Pasta, Chäsfondue  isch das nid famos

Wosch kei Beiz vom Montani - de chasches grad vergässe

Wede öppis angers wosch - de muesch i Mac ga frässe

 

C'est le petit Gilbert, Gilbert Montani

Il achète tout le magasin et fait des Restaurants

C'est le petit Gilbert, Gilbert Montani

Är spiut mit üsem Stedtli - Monopoly

 

Egau ob Pizzeria odeeer Friburger Chäuer

Är verchouft dä biuuig Frass - uf de tüüre Täuer

Z einzige wo zeut für ihn - är wott ging no meh

Näbscht sim grosse Ranze - wachst ou s Porte Monnaie

 

C'est le petit Gilbert, Gilbert Montani

Il achète tout le magasin et fait des Restaurants

C'est le petit Gilbert, Gilbert Montani

Är spiut mit üsem Stedtli - Monopoly

 

Und gäbt me ihm no meh Kredit - I gloub herjesses nei

Är choufti vor Ringmur grad sofort jede einzu Stei

Da hiuft nid mau dr Modefuchs - wo kämpft drgäge a

Dr Gilbert wot am Schluss - z ganze Stedtli ha

 

C'est le petit Gilbert, Gilbert Montani

Il achète tout le magasin et fait des Restaurants

C'est le petit Gilbert, Gilbert Montani

Är spiut mit üsem Stedtli - Monopoly


you`ll never walk alone / © 2012 ruebeloch.ch / design by mastertnt.ch